Photo Gallery


Putih Kuncup Putih Berembun Tetesan Embun

Fikmin : Odah Deui

Asa ku lila nungguan saptu, teu sabar hayang ngesun pipi Hanna nu cabi, noél irung Miekeu nu bangir, nyawél gado Selly nu kawas endog sapotong.
Saptu isuk rek “tea walk” jeung Miekeu di Puncak, peutingna paheut jangji ka “café” jeung Selly, Mingguna siap silih udag di pantay Ancol jeung Hanna.
Jin belél, kaméja kotak-kotak asa payus na awak. Lédot-lédot “top lady” nutupan silalatu na sirah. Tittit, notifikasi bebe’em, "Héi buaya darat! Ga sudi gwa jalan ama lo!" bebe’em Miekeu. Tittit "Aa, ti danget ieu urang putus!" Ceuk Hanna. "Ka café wéh jeung si Jablay!" Trék hapé dirijék ku Selly. Panasaran, bray muka éfbi, bréh poto kuring jeung Odah.
"Odaaaaah!!!" "Muhun juragan, siap!" Si Odah tituturubun ti dapur. Saged diléjing, kaos lekmong mintonkeun beuteung budayut, bengeut badis nu tas diteunggeulan.
“New Tiger” nyemprung meulah halimun Puncak. Si Odah naklok na tonggong, leungeunna meulit kana cangkéng. Kadéngé haténa surak, “Odah deui tungtungnamah, hahay”

1 komentar:

Langganan: Posting Komentar (Atom)

Share

Label

Total Tayangan Halaman